De Enrico Celio (* 19. Juni 1889 z Ambrì TI, Gmäind Quinto; † 23. Februar 1980 z Lugano), vo Ambrì TI (Gmeind Quinto), isch en Schwiizer Politiker (CVP) gsii.
Er isch am 22. Februar 1940 in Bundesrat gwählt worde. Am 15. Oktober 1950 hät er siis Amt übergeeh, nachdem er am 23. Juni de Rücktritt erchlärt hät. Während siinere Amtsziit isch er em Poscht- und Iisebahndepartement vorgschtande.
Er isch Bundespräsident gsii i de Jahre 1943 und 1948 und Vizepräsident i de Jahre 1942 und 1947.